Reply by the Lasses "A Wummuan's a Wumman

A Wumman's A Wumman..


A cleaner, cook, a mither, wife,
A job as weel, for a' that,
A skivvie a' her wedded life
Who else wid e'er dae a' that?
Far a' that, an' a' That,
She loves him still for a' that,
She surely must be off her heid
For puttin' up wi' a' that.

Noo drivin' trains an' flyin' planes,
E'en Prime Minister an' a' that,
An still wi' time to mind the weans,
A wumman's a wumman for a' that.
For a' that, an' a' that,
Her varicose veins an' a' that,
No man could surely stand the pace
O' being a wumman an' a' that.

For men are sure a helpless band-
They're just big bairns, for a' that,
without a wumman to haud their hand
They'd soon fair starve, an' a' that.
For a' that an' a' that,
She suffers the gawk for a' that,
Wha else could put up wi' a man.
His gallus ways an' a' that.

Hoosework's meant for two tae share,
The washin' up an' a' that,
But the eejit just gets in her hair
An' roond her feet an' a' that.
For a' that, an' a' that
She's nae time tee spare for a' that,
So he goes boozin'' wi' his pals
While she gets oan wi a' that.

But when he rolls in fae the pub
Muckle fu' an' a' that,
An' then demands a plate o' grub,
She'll clip his ear for a' that.
For a' that, an' a' that,
He'll sleep wi' the dug for a' that,
The wumman micht weel be a saint,
But she'll no put up wi' a' that.

So suffer a' her finger wags,
Her sharpened tongue an' a' that.
An' jist ignore the way she nags-
God knows that she's worth a' that.
For a' that, an' a' that,
Her screechin' nark an' a' that.
A wumman fair o' face an' heart
Should treasured be for a' that.

Brilliant Eunice thanks for sharing,xxxxxxxxxxxx

Oh that made me laugh out loud

Happy Burns night or should that be nicht

Fab one Eunice xxdk

That was a great read

In our house though there is no way I'd subject my poor doggies to a drunk him indoors-I'd be more likely to send him to their bed and let the dogs have his

Thats fab, love it. Have a lovely night

could only just about undersatnd that!!

Glad you all enjoyed it and Kirsta I think I would do the same as you him outside and the dogs in my bed.